Angol
Manushy ka sampoorn jeevan ek pareeksha hai. manushy janm se lekar mrtyuparyant pareeksha deta rahata hai. manushy jab janm leta hai, tabhee se usakee pareeksha aarambh ho jaatee hai. vah yuva hone par apana lakshy svayan nirdhaarit karata hai. tadnusaar vidyaalay se shiksha grahan karata hai. aatmavishvaas ke saath aage badhata hai. pratiyogee pareekshaon mein apana bhaagy aajamaata hai. dinraat jeetod pareeksha kee taiyaaree karane ke baad bhee, jab niraasha hee haath lagatee hai, to vah bhayabheet ho jaata hai. prastut pustak mein yuva varg kee vibhinn pareekshaon ke sandarbh mein kul 21 adhyaay sammilit hain. antim 3 adhyaayon mein pareeksha ka saar nihit hai. yuva pareekshaarthee ka bhayabheet hona theek nahin hai. aashaavaan hona sadaiv sukhadaayee hota hai. yuva varg apanee vartamaan jeevanashailee badalen. paryaapt vyaayaam, paushtik shaakaahaaree bhojan, paryaapt aaraam aur yojanaabaddh tareeke se pareeksha kee taiyaaree karen, pratibaddhata ka dhyaan rakhen. pareeksha kee vyooharachana banaaye. pareekshaakaal mein anukool paathy saamagree evan nots ka hee adhyayan karen. adhyayan shailee spasht ho. pareeksha se ek din pahale keval aavashyak nots hee duharaayen. sadaiv sakaaraatmak soch banaaye rakhen. apane ko sarvaadhik suyogy samajhane kee bhool na karen. apane saathiyon, sahayogiyon, seeniyars se pareeksha sambandhee salaah lene mein sankoch na karen. apana lakshy sammukh rakhen aur svayan par bharosa ho, to pareeksha mein saphalata milana nishchit hai.
