Albán
Pas rënies së komunizmit, Erjoni largohet nga Shqipëria dhe mbërrin në Itali me anije, në kërkim të një jete më të mirë. Por rruga drejt shpëtimit të shpirtit është e vështirë dhe e mbushur me plagë të thella.
Në Itali, ai njeh Xhorxhian, një vajzë shqiptare të bukur dhe të mençur, e rritur me vlera dhe ëndrra të pastra. I dashuruar marrëzisht pas saj, Erjoni fillon të përballet me të kaluarën e tij kriminale dhe të përpiqet të bëhet njeri më i mirë.
Por nuk është i qetë. Përballë Xhorxhias ndien se nuk është krejtësisht i vërtetë, dhe nuk guxon t'i rrëfejë të shkuarën e tij. Faji dhe heshtja e shtyjnë gjithnjë e më thellë në luftën me vetveten.
Për të lehtësuar ndërgjegjen e tij të rënduar, ai ndjek kriminelët që dëmtojnë fëmijët-si një mënyrë për të ndëshkuar versionin e dikurshëm të vetes. Ai shpëton fëmijë nga rituale të errëta, zbulon rrjete kriminale të fshehura dhe përballet me figura të frikshme që pasqyrojnë hijet më të thella të së kaluarës së tij.
Një roman i thellë psikologjik dhe filozofik, që eksploron fajin, dashurinë, shpëtimin dhe dritën që mund të lindë edhe nga errësira më e thellë.
