Baszk
Laguntzeko material espezifikoa dira koaderno hauek, problemak ebazten zailtasunak dituzten ikasleek prozesu horretan segurtasunez eta autonomiaz aurrera egin dezaten sortuak.Koaderno guztiek hamabi unitate dituzte, seina orrialdekoak. Unitate horietan lantzen diren edukiak Bizigarri proiektuko Matematikako ikasliburuko unitateetakoekin lotuta daude.Unitate bakoitzak hiru atal ditu, eta horien bidez biltzen da problemak ebazteko prozesua, honela:Ulertu: enuntziatuak eta datuak ulertzen trebatzeko, eta unitate bakoitzean lantzen den oinarrizko edukia aurkezteko.Nola ebatzi pentsatu: erabakiak hartzen eta arrazoitzen trebatzeko. Arrazoiketa horrek eramango ditu, gero, modu jakin bateko eragiketak egitera. Aukeraketa horien zergatia azaltzen trebatzeko unea ere bada hau.Ebatzi: enuntziatua ondo ulertu eta zer eragiketa egin erabaki ondoren, problemak ebazteari ekingo diote, zenbakiz edo ez, eta zenbait testuingurutan.Koaderno hauetan proposatutako jardueren bidez, ikasleek errazago garatuko dituzte ulermena eta adierazmena, arreta, erabakiak hartzeko gaitasuna, analisiak egitekoa, hausnartzekoa eta sormena.Ikasleek beren kabuz egin ditzakete jarduerak, eta gero erantzunen liburuxka-gidan begiratuz berrikusi, Ikasminaren ingurune digitalean, erabiltzaileek eskuragarri dute eta.
