OOS KAAP STORMWATER (Boek 1 van Reeks 2)
Elizabeth Maria Louw is nie die soort vrou wat haar lewe deur ander laat bepaal nie.
Nadat sy wegvlug van 'n huwelik wat vir haar gereël is, verdwyn Lizzie oor die see en bou vir haarself 'n nuwe lewe. Jare later keer sy terug na Amatoluskloof as kaptein van die geheimsinnige Stormbruid-'n skip met 'n swart vlag, 'n vreemde reputasie en 'n bemanning wat haar sonder twyfel volg.
Johannes Arnoldus Geldenhuys is 'n gerespekteerde skeepsbouer. Intelligent. Selfversekerd. En heeltemal te gewoond daaraan dat mense na hom luister.
Tot Lizzie sy skeepswerf binnestap...
En tussen argumente, skeepshout, geheime en 'n reis oor die see begin iets verander.
Want Arno sien meer as die hardkoppige vrou wat hom voortdurend uitdaag. Hy sien haar verstand. Haar moed. Die kaptein wat haar mense se respek verdien het.
En Lizzie begin besef die arrogante skeepsbouer is dalk baie meer as wat sy aanvanklik gedink het.
Maar twee sterk mense wat gewoond is daaraan om hul eie koers te bepaal, raak nie sommer verlief nie.
Soms moet die gety eers draai.
Soms moet 'n mens verdwaal.
En soms vaar die grootste storm nie oor die see nie...
...maar reguit deur 'n mens se hart.
Oos Kaap Stormwater is 'n historiese Afrikaanse liefdesverhaal vol avontuur, humor, sterk karakters en 'n liefde wat stadig tussen twee intellektuele gelykes koers kry.
