Baszk
'2023KO MIGUEL DE UNAMUNO XXIV. SAIAKERA SARIA'. Saiakera honetan, egilea Euskal Herriko sekularizazioaren gertakarira hurbiltzen da bere dimentsio nabarmen batzuetara. Euskal gizarteak denbora laburrean erlijio-eremuan izan duen aldaketa ondo jasota eta interpretatuta dago. Alde batetik, sakoneko prozesuak berrikusten dira. Bestetik, prozesu hauek esperientzia biografikoarekin eta pertsonalarekin lotzen dira. Erlijio katolikoan errotutako gizarte batetik erlijio-bizipenean interesik gabeko beste gizarte batera igarotzea modu deskriptiboan ederto kontatzen da, bereziki sekularizazioaren fenomenora lehen aldiz hurbiltzen denarentzat. Eta deskribapen hori sakonago ulertzeko analisi egokiekin osatzen da. Lan didaktiko bezain argi honek ezin ditu sekularizazioaren fenomenoa eta dimentsio guztiak agortu, fenomeno hori oso konplexua eta adar askotakoa baita, baina Euskal Herriarekin zerikusia duten prozesu eta gertaeren selekzioa oso egokia da. Gainera, egileak sekularizazioaren prozesu konplexua interes ezberdineko publiko anitz eta zabal bati era argian hurbiltzen dio. Sekularizazio-prozesu horrek etorkizunean izango duen dinamika zabalik dago, zeren eta, oro har, sekularizazio-prozesua Europan bakarrik sustatu da, baina, nolanahi ere, Euskal Herrian bizi izan duen metamorfosia maisuki azaltzen da.
